A Concellaría de Medio Ambiente, dirixida por Pilar Blanco, acometará o próximo día 18 de abril a limpeza dos fondos mariños da praia de Aguete incluíndo a pradería submarina que alí habita, respondendo deste xeito as observacións feitas polo biólogo mariño e buceador, David Villegas Ríos.

 

Este biólogo e veciño de Marín tiña detectado na citada pradería a existencia de materiais plásticos e restos de embarcacións que foran a pique meses atrás. Ante esta situación decidiu poñerse en contacto co Concello de Marín para propoñer que a través da Concellaría de Medio Ambiente se  organizara a limpeza dos desperdicios atopados. Por parte do departamento municipal se lle mostrou dende o primeiro momento unha boa predisposición a colaborar nesta causa, iniciando os trámites para que a actividade se puidese levar a cabo de forma inminente.

Deste xeito, contactouse con Capitanía Marítima para coñecer que medidas de seguridade, medios e permisos eran precisos para proceder á limpeza dos residuos existentes nos fondos mariños de Aguete.

A concelleira nacionalista confirmou que os equipos de mergullo para a levar a acabo a limpeza serán aportados de forma gratuíta por parte da empresa Servisub. Por outra banda, as instalacións de apoio para o troco de roupa dos participantes na actividade será cedidas de forma altruísta polo Club de Mar de Aguete. Finalmente, a Concellaría de Medio Ambiente “aportará o camión, efectivos de Protección Civil, o dispositivo de seguridade, ofrecerá un pequeno ágape e entregará un pequeno agasallo aos voluntarios ao final da xornada”.

A actividade levarase a cabo durante a mañá do próximo sábado 18 de abril se as condicións meteorolóxicas o permiten. Os mergulladores que queiran participar nesta limpeza voluntaria dos fondos mariños da praia de Aguete deben ter un seguro en vigor. Os interesados poden obter máis información no correo electrónico Esta dirección de correo electrónico está protegida contra los robots de spam, necesita tener Javascript activado para poder verla ou chamando ao número de teléfono 886 208 086.